Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Генэральны сакратар ХДЗ патрабуе вызваленьня палітвязьняў Беларусі 11:09, 10/11/2006
Генэральны сакратар Хрысьціянска-дэмакратычнага зьвязу, дэпутат Бундэстагу Рональд Пофала заклікаў неадкладна вызваліць усіх палітвязьняў у Беларусі і запатрабаваў павагі да прынцыпаў прававой краіны. Гэтыя заклікі прагучалі ўчора на адкрыцці Беларуска-нямецкага форума ў Менску.
Як паведамляе «Радыё Свабода», генэральны сакратар ХДЗ заявіў, што кіраўніцтва Нямеччыны выступае супраць гвалту і дыктатуры, і такая пазыцыя прывяла да візавых санкцый з боку Эўразьвязу адносна шэрагу беларускіх чыноўнікаў. Рональд Пофала заявіў, што “гэта моцны сыгнал для тых, каго гэта тычыцца. Гэты сыгнал азначае, што за вамі назіраюць. Вашы імёны занесены ў картатэку, і вам трэба лепш сёньня, чым заўтра спыніць падаўленьне свабоды і дэмакратыі”.
Ён запэўніў, што Эўразьвяз і Нямеччына будуць падтрымліваць тых, хто выступае за свабодную Беларусь, і накладаць санкцыі на тых, хто перашкаджае гэтаму.
Нагадаем, што падчас візіту ў Менск Рональд Пофала сустрэўся таксама зь лідэрам аб’яднанай апазыцыі Аляксандрам Мілінкевічам.
