Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прэмія Еўрапарламента будзе ўручана Аляксандру Мілінкевічу 12 снежня 11:53, 10/11/2006
Цырымонія ўручэння лідэру аб`яднаных дэмакратычных сіл Беларусі Аляксандру Мілінкевічу ўзнагароды Еўрапарламента - прэміі імя А. Сахарава "За свабоду думкі" адбудзецца 12 снежня ў Страсбургу на пленарнай сесіі парламента. Сёння прэзідэнт Еўрапейскага парламента Хосе Барэль накіраваў Аляксандру Мілінкевічу ліст з запрашэннем на цырымонію.
"Маю вялікі гонар паведаміць, што прэмія імя А.Сахарава будзе ўручана Вам з улікам Вашых намаганняў на карысць дэмакратыі і свабоды для ўсіх людзей Беларусі... Я з нецярпеннем чакаю таго моманту, калі ўручу Вам гэтую Ўзнагароду", - адзначаецца ў лісце прэзідэнта Еўрапейскага парламента.
Цырымонія ўручэння адбудзецца 12 снежня ў Страсбургу на пленарным паседжанні Еўрапарламента. Разам з Аляксандрам Мілінкевічам удзел у мерапрыемствах возьмуць прадстаўнікі палітычных партый Беларусі, грамадзянскай супольнасці, удзельнікі сакавіцкіх падзей у Мінску, сем`і палітзняволеных.
