Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дэпутат Бундэстага: «Беларусь адхіляе каштоўнасці Еўразвяза» 17:07, 13/11/2006
Дэпутатака нямецкага Бундэстага Ута Цапф заявіла, што афіцыйныя ўлады Беларусі цалкам адхіляюць асноўныя каштоўнасці Еўрапейскага Звяза і не збіраюцца ўступаць у дыялог з ЕЗ, каб змяніць сітуацыю. "Галоўная праблема ў адносінах Беларусі і Еўрапейскага Звяза – гэта адмаўленне Беларуссю асноўных базавых каштоўнасцей Еўразвяза. Гэта дэмакратычныя прынцыпы, свабодныя выбары, свабода меркаванняў, прававая дзяржава, грамадзянскія правы. Але менавіта ў гэтых сферах і адбываюцца ў Беларусі парушэнні, за якія Еўразвяз увесь час крытыкуе Беларусь. І штораз, калі гаворка заходзіць аб новым выбарчым законе, напрыклад, або аб нормах правядзення выбараў, афіцыйны Менск адхіляе агульнаеўрапейскія падыходы, і замест гэтага прымае позу пакрыўджанага і скардзіцца на тое, што яму нешта загадваюць, што яго ізалююць. Менск ніяк не жадае ўступаць у дыялог, каб змяніць сітуацыю", – заявіла Ута Цапф, каментуючы "Нямецкай хвалі" стан адносінаў паміж Беларуссю і ЕЗ.
