Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка не жадае дзяліцца з Пуціным прыбыткамі ад продажу нафты 13:47, 13/11/2006
Беларусь пратэстуе супраць увядзення Расеяй мытных пошлін на нафту, якая пастаўляецца ў краіну, заявіў Аляксандр Лукашэнка падчас нарады з сябрамі ўрада, падводзячы вынікі сваіх перамоваў з прэзідэнтам Расеі Уладзімірам Пуціным. "Яны прапаноўваюць увесці мытныя пошліны на пастаўкі нафты. Я катэгарычна выказаўся супраць усякіх мыт", – адзначыў кіраўнік дзяржавы.
Разам з гэтым беларускі кіраўнік лічыць, што права Расейскай Федэрацыі прымаць альбо не прымаць падобныя рашэнні. "Але разам з гэтым мы будзем патарбаваць, каб кошты на нафту былі аднолькавымі для беларускіх і расейскіх заводаў. Калі там сёння сярэдні кошт прыкладна 160 даляраў за тону, то такі кошт павінен быць і для нашых двух заводаў", – сказаў А.Лукашэнка.
Па яго словах, "павінны быць роўныя ўмовы. У адваротным выпадку такая нафта нам не трэба", – заявіў Лукашэнка.
У гэтай сувязі ён працытаваў прэзідэнта Расеі: "Вядома ж, умовы павінны быць аднолькавымі для беларусаў і расейцаў".
