Масавая бойка ля аўташколы «Атлант» :: Хартыя'97 :: Навiны

Раніцай 14 лістапада адбыўся канфлікт паміж жадаючымі навучыцца кіраванню аўтамабілем і супрацоўнікамі аўташколы "Атлант", што па вуліцы Шаранговіча ў Менску.

Вось што распавяла "Інтэрфаксу" відавочца здарэння Вольга: "Калі тэлефануеш у гэтую аўташколу, аўтаадказчык паведамляе вам, што спісы навучэнцаў у будучым лютым складаюцца 14 лістапада з 8.30. Акрамя таго, "для атрымання дадатковай інфармацыі" даецца мабільны нумар тэлефона. Я патэлефанавала па ім, і мужчына пацвердзіў мне, што прыходзіць трэба сапраўды ў 8.30. Аднак я зайшла ў гэтую аўташколу, і ахоўнік намякнуў мне, што прыходзіць лепш да 6.00".

Верагодна, такі "намёк" ахоўнік зрабіў не толькі суразмоўніцы "Інтэрфакса", бо да 6.00 ля аўташколы сабралася больш за 200 чалавек, жадаючых патрапіць у запаветныя спісы. Але супрацоўнік аўташколы, які выйшаў да народа, ужо праз дзве гадзіны складання спісу паведаміў, што засталося толькі некалькі месцаў. І большасць з тых, хто прыйшоў. так і засталіся "незапісанымі".

Зразумела, што гэтая навіна не магла спадабацца патэнцыйным аўтааматарам. Далей, па словах Вольгі, "хтосьці з абураных грамадзянаў выхапіў з рук супрацоўніка аўташколы спісы і знішчыў іх". Была нават выкліканая міліцыя, нарад якой, праўда, усяго толькі абмежаваўся выхаваўчай гутаркай. У выніку сталі складаць новыя спісы.

"Разумеючы, што зноў можна застацца за бортам, людзі сталі ледзь не па галовах лезці. Ціскатня жудасная, бойкі. Жах!", – гаворыць суразмоўніца агенцтва.

Як сцвярджае Вольга, большасць з тых, хто мерзнуў на вуліцы з 6-ці раніцы дзеля таго, каб патрапіць ў запаветны спіс, давялося ўсё ж пайсці ні з чым.

Па меркаванні аўтааматараў, узнікненне падобных канфліктных сітуацый звязана са скарачэннем колькасці менскіх аўташкол. Як вядома, у цяперашняе лета каля 7% беларускіх аўташкол былі пазбаўленыя ліцэнзіі падчас перарэгістрацый. (На 1 студзеня 2006 у сталіцы працавала 449 аўташколы).

У першым паўгоддзі 2006 арганізацыямі розных форм уласнасці ў Беларусі падрыхтавана і перападрыхтавана 64845 кіроўцаў. У тым ліку ў катэгорыі "В"– 43308, катэгорыі "С" – 7886, "ВС" – 7030, "Д" – 2719, "Е" – 2979.