У Берасьці будуць судзіць 6 актывістаў апазіцыі :: Хартыя'97 :: Навiны

Па ўдакладненай iнфармацыi заўтра, 15 лiстапада, у 10-00 адбудзецца суд над шасцю актывiстамi дэмакратычнага руху Берасця. Іх абвiнавачваюць ва ўдзеле ў несанкцыянаванай акцыi на Дзень салiдарнасцi з палiтычнымi вязнямi, якая адбылася 16 кастрычнiка ў цэнтры горада. Маладым людзям пагражае штраф ад 300 да 2000$ цi адмiнiстрацыйны арышт тэрмiнам ад 3 да 15 сутак.

Адзiн з актывiстаў Андрэй Шарэнда звярнуўся да берасцейскай моладзi з заклiкам прыйсцi ў суд, каб падтрымаць людзей, якiя змагаюцца за нашу свабоду:

- Усiх, хто ўдзельнiчаў у берасцейскiх флэш-мобах, усiх, хто падтрымлiвае тое, што мы робiм, мы заклiкаем прыйсцi ў 10 ранiцы ў суд Маскоўскага раёна г. Берасця каб выказаць салiдарнасць з людзьмi, якiх судзяць за iх перакананнi.

Ад iмя Берасцейскай гарадской арганiзацыi Партыi БНФ з адпаведнай заявай выступiў яе старшыня Дзмiтрый Шыманскi:

- Мы безумоўна асуджаем палiтычны пераслед маладых актывiстаў дэмакратычнага руху i расцэньваем заўтрашнi суд як спробу ўладаў запужаць маладое пакаленне берасцейцаў i адбiць у iх жаданне ўдзельнiчаць у мiрных акцыях пратэста супраць беззаконня, якое творыць улада ў нашай краiне. Я заклiкаю ўсiх неабыякавых жыхароў Берасця прыйсцi на суд, каб выказаць салiдарнасць з маладымi людзьмi. На жаль, у Беларусi ў любы дзень на лаве падсудных можа апынуцца кожны з нас. Выстаяць i перамагчы гэты рэжым мы зможам толькi тады, калi будзем разам, калi будзем салiдарны з тымi, каго незаконна пераследуюць i кiдаюць у турмы. Дык будзьма салiдарнымi!

Нагадаем, што судовае паседжанне адбудзецца ў Судзе Маскоўскага раёна г. Берасця (вул. Леванеўскага, 1, чацвёрты паверх) 15 лiстапада ў 10-00.