Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Яраслава Раманчука «пазбавілі» беларускага грамадзянства 11:00, 14/11/2006
Намесніку старшыні Аб`яднанай грамадзянскай партыі Яраславу Раманчуку адмоўлена ў рэгістрацыі ініцыятыўнай групы. Яраслаў Раманчук меркаваў выставіць сваю кандыдатуру па Універсітэцкай выбарчай акрузе Гарадзенскага абласнога савета дэпутатаў.
Прадстаўнікі акруговай камісіі матывавалі сваю адмову тым, што намеснік старшыні АГП не пражывае ў дадзенай акрузе. Хоць паводле 60 артыкула Выбарчага кадэкса Рэспублікі Беларусь, кандыдатамі ў дэпутаты могуць быць высунутыя грамадзяне, якія працуюць у арганізацыях, размешчаных на тэрыторыі іншага мясцовага савета.
Другі чыннік, па якім камісія адмовілася зарэгістраваць ініцыятыўную групу Яраслава Раманчука, зводзіцца да таго, што Упраўленне Міністэрства ўнутраных спраў па Гарадзенскай вобласці не пацвердзіла наяўнасці беларускага грамадзянства ў Яраслава Раманчука, паведаміла прэс-служба АГП.
