Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З Паўла Красоўскага знялі абвінавачванні 13:37, 15/11/2006
Маладзёвага актывіста Паўла Красоўскага сёньня зноў выклікалі ва Ўправу па барацьбе з арганізаванай злачыннасьцю ў Віцебску. Старэйшы сьледчы Рэспубліканскай пракуратуры Аляксандар Рассолька паведаміў Паўлу Красоўскаму, што матэрыялы экспэртызаў пацьвярджаюць ягоную недатычнасьць да згвалтаваньняў і забойстваў.
Адвакат Павал Сапелка заявіў “Радыё Свабода”, што скасаваньне абвінавачваньняў — гэта першы крок да скасаваньня ўсіх падазрэньняў супраць Красоўскага. І хаця Павал па-ранейшаму застаецца падазраваным у справе мінулагодніх віцебскіх выбухаў, актывіст Маладога фронту і ягоны адвакат спадзяюцца, што і гэтае падазрэньне будзе зьнятае.
Нагадаем, што Павала Красоўскага падазравалі ў шэрагу цяжкіх злачынстваў: у датычнасьці да арганізацыі выбухаў у Віцебску 14-га і 22-га верасьня 2005 году і ў згвалтаваньнях ды забойствах дзьвюх дзяўчат у 1999 годзе. 10 сутак актывіст правёў у следчым ізалятары ў Віцебску.
