Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зачыненне Партыі камуністаў адкладаецца да заканчэння мясцовых выбараў 11:54, 15/11/2006
Сёння, 15 лістапада, Вярхоўны суд Рэспублікі Беларусь падчас папярэдняга судовага паседжання вынес пастанову: вытворчасць справы па пазове Міністэрствы юстыцыі Рэспублікі Беларусь аб прыпыненні дзейнасці Партыі камуністаў Беларускай прыпыніць да апублікавання афіцыйных вынікаў выбараў дэпутатаў мясцовых Саветаў 25-га склікання.
Сваё рашэнне суд абгрунтаваў нормай Закона Рэспублікі Беларусь "Аб палітычных партыях", якая абвяшчае: дзейнасць палітычнай партыі не можа быць прыпыненая падчас выбарчай кампаніі.
Нагадаем, што іск у Вярхоўны суд Мінюст накіраваў пасля таго, як партыі было вынесенае пісьмовае папярэджанне аб падаванні персанальнага спісу сяброў партыі. Кіраўніцтва ПКБ не выканала патрабаванне Мінюста, бо палічыла, што яно супярэчыць закону "Аб палітычных партыях". Папярэджанне Мінюста ПКБ абскардзіла ў Вярхоўны суд. 18 кастрычніка суд падтрымаў пазіцыю Мінюста і пакінуў папярэджанне ў сіле. У той жа дзень ПКБ перадала ў міністэрства спіс на паўтары тысячы сяброў. Гэтага досыць для таго, каб партыя была прызнаная дзеяздольнай.
