Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея і Беларусь створаць адзіную сістэму СПА 23 лістапада 13:22, 15/11/2006
Галоўнакамандуючы ВПС РФ войска Уладзімір Міхайлаў заявіў, што пагадненне аб стварэнні Адзінай рэгіянальнай сістэмы СПА Расеі і Беларусі можа быць падпісанае 23 лістапада ў Берасці, паведамляе "Інтэрфакс". "Чакаецца, што гэтае пагадненне будзе зацверджанае кіраўніком урада Расеі заўтра, а канчатковае яго падпісанне плануецца завяршыць на паседжанні Савета міністраў абароны (СМА) дзяржаў СНД, якое адбудзецца 23 лістапада ў Берасці", – сказаў У.Міхайлаў у сераду журналістам.
Адказваючы на пытанне журналістаў аб мерах расейскіх СПА, якія зроблены ў адказ, у сувязі з магчымым базаваннем самалётаў НАТО на тэрыторыі Польшчы, Міхайлаў адзначыў, што "ВПС Расеі гатовыя адэкватна рэагаваць на гэтую сітуацыю". "Хай самалёты НАТО садзяцца, дзе жадаюць у Еўропе, мы для гэтага і ствараем Адзіную рэгіянальную сістэму СПА Расеі і Беларусі", – адзначыў генерал Міхайлаў.
