Мінюст пералічыць камуністаў :: Хартыя'97 :: Навiны

Міністэрства юстыцыі распачала праверку спісу сяброў Партыі камуністаў Беларускай (ПКБ), які быў пададзены па рашэнні Вярхоўнага суда. У гэты спіс уваходзяць паўтары тысячы чалавек.

Як паведаміў БелаПАН прэс-сакратар ПКБ Сяргей Вазняк, падобная інфармацыя даходзіць у штаб-кватэру партыі з усіх абласцей рэспублікі. Па яго словах, ад актывістаў ПКБ патрабуюць пісьмовага пацверджання членства ў партыі, а таксама падавання партыйных білетаў і ведамасцяў аб выплаце членскіх узносаў.

"Кіраўніцтва партыі мела рацыю, калі адмовіліся падаваць гэтыя спісы, асцерагаючыся, што дадзеныя сведкі будуць выкарыстаныя для націскання на актывістаў ПКБ. Нажаль, перададзеныя ў Мінюст дакументы вельмі хутка апынўліся ў руках праваахоўных органаў. КДБ і ідыялагічнай вертыкалі, – сказаў С.Вазняк. – Магчыма, улады спрабуюць знайсці вялікую колькасць людзей, якія скажуць, што яны не з`яўляюцца сябрамі ПКБ, і такім чынам звесці колькасць да лічбы меншай за тысячу сяброў. Самае агіднае, што гэтым займаюцца не супрацоўнікі органаў юстыцыі, а участковыя і працаўнікі ідыялагічных аддзелаў выканкамаў, што з`яўляецца прамым парушэннем закона".

Трэба адзначыць, што ў выпадку калі колькасць сяброў ПКБ будзе меншай за 1 тысячу, у Міністэрства юстыцыі будзе падстава падаваць у Вярхоўны суд іск аб ліквідацыі партыі.

15 лістапада Вярхоўны суд адклаў разгляд іска Мінюста да ПКБ аб прыпыненні яе дзейнасці да заканчэння выбараў дэпутатаў мясцовых Саветаў, якія адбудуцца 14 студзеня.