Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За выбарчай кампаніяй у Беларусі будуць назіраць пракуроры 16:16, 16/11/2006
У пракуратуры створаныя працоўныя групы па нагляду за выкананнем заканадаўства падчас выбараў у мясцовыя Саветы дэпутатаў. Як паведамілі карэспандэнту БЕЛТА у рэспубліканскай пракуратуры, "самай галоўнай задачай" для органаў пракуратуры падчас выбараў у мясцовыя Саветы дэпутатаў з`яўляецца "забеспячэнне канстытуцыйнага права грамадзянаў Рэспублікі Беларусь на свабоду волевыяўлення, адпаведнае выкананне ўсімі ўдзельнікамі выбарчага працэса існуючага заканадаўства".
З мэтай арганізацыі сістэмнага нагляда за "няўхільным" захаваннем палажэнняў Выбарчага кодэкса Рэспублікі Беларусь у рэспубліканскай, абласных, Менскай гарадской, Беларускай вайсковай і Беларускай транспартнай пракуратурах створаныя адпаведныя працоўныя групы.
Адбылася сустрэча старшыні Цэнтральнай камісіі Рэспублікі Беларусь па выбарах і правядзенню рэспубліканскіх рэферэндумаў Лідзіі Ярмошынай з пракурорскімі працаўнікамі, якія ўзначальваюць гэтыя групы. Асобную ўвагу удзельнікі надалі зменам выбарчага заканадаўства, чым абумоўленыя і некаторыя асаблівасці цяперашняга выбарчага працэса.
Як ужо паведамлялася, выбары ў мясцовыя Саветы дэпутатаў прызначаныя на 14 студзеня 2007 года.
