Апазіцыйныя камуністы не знайшлі абароны ў судзе :: Хартыя'97 :: Навiны

Суд Цэнтральнага раёна Менска адмовіўся задаволіць іск Партыі камуністаў Беларускай (ПКБ) аб абароне дзелавой рэпутацыі, які быў накіраваны супраць Камуністычнай пратыі Белоруссии (КПБ) і газеты КПБ "Коммунист Белоруссии. Мы и время". Такое рашэнне вынесенае 16 лістапада.

Як раней паведамляў БелаПАН, падставай для іска стаў апублікавны ў газеце даклад лідэра КПБ Таццяны Голубевай на так званым "уз’яднальным з’ездзе" двух партый. Па меркаванні істца, дадзены артыкул змяшчае звесткі, якія не адпавядаюць рэчаіснасці, і ўчыняюць шкоду дзелавой рэпутацыі ПКБ, паколькі ў ім сцвярджаецца, што партыя пасля аб`яднанага з`езду больш не будзе існаваць.

У дакладзе таксама было заяўлена, што дэлегатамі з`езду сталі 74 сябра ПКБ. "Дадзеная сцвярджэнне ў артыкуле пра ўз`яднанне не адпавядае рэчаіснасці на падставе таго, што ні ПКБ, ні адна з яе арганізацыйных структур не прымалі рашэння аб рэарганізацыі партыі альбо аб уваходжанні асобнай арганізўацыйнай структуры ў КПБ", – адзначалася ў іскавой заяве.

На судзебным паседжанні кіраўніцтва ПКБ запатрабавала падаць усе 74 пратаколы аб абранні дэлегатаў на з`езд. Высвятлілася, што яны былі складзеныя з парушэннямі статутаў двух партый, а некаторыя проста сфальсіфікаваныя. Аднак суд адмовіў ў задавальненні іска ПКБ, назваўшы гэты працэс "палітычнай дыскусіяй".

"Тым не менш нас задавальняюць вынікі працэса", – сказаў БелаПАН прэс-сакратар ПКБ Сяргей Вазняк. Па-першае, па яго словах, у афіцыйных СМІ спынілася "палітычная траскатня пра аб`яднаны з`езд", па-другое, ПКБ былі пададзеныя ўсе 74 пратаколы аб абранні дэлегатаў на з`езд. "Іх беглы аналіз паказаў, што ўсе яны фіктыўныя", – адзначыў С.Вазняк.

Ці будзе ПКБ абскарджваць рашэнне раённага суду, пакуль невядома.