Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка думае, што Еўракамісія прыйдзе да яго «з мячом» 17:27, 17/11/2006
Беларусь адчыненая для любога дыялогу. Аб гэтым заявіў Аляксандр Лукашэнка, адказваючы сёння ў Бабруйску на пытанні журналістаў адносна заявы прадстаўніка Еўрапейскай камісіі аб тым, што на прапанову Еўракамісіі адчыніць офіс у нашай краіне беларускія ўлады нічога не адказалі. Разам з гэтым Лукашэнка чамусьці падкрэсліў, што "мы нікому не перашкаджаем працаваць у Беларусі, але жадаем, каб да нас з мячом больш не прыходзілі".
"Калі хтосьці хоча адчыніць у нас прадстаўніцтва, беларускі бок павінен выразна разумець, для чаго гэта робяць. На гэты конт у МЗС ёсць некаторая пазіцыя, і, думаю, тыя, хто хоча адчыніць прадстаўніцтва, добра ведаюць нашы інтарэсы. Мы выказалі ім свае меркаванні", – адзначыў Лукашэнка.
