Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Нямеччына занепакоеная станам здароўя Аляксандра Казуліна 17:15, 17/11/2006
Нямеччына глыбока занепакоеная станам здароўя экс-кандыдата ў прэзідэнты Беларусі, палітвязня Александра Казуліна, які вось ужо амаль месяц працягвае галадоўку ў турме.
Зварот МЗС Нямеччыны да ўладаў Беларусі зноў заклікае – вызваліць Казуліна і іншых палітычных зняволеных, паведамляе Расейская служба радыё "Свабода".
Казулін у ліпені быў прысуджаны да пяці з паловай гадоў зняволення за арганізацыю акцыі пратэсту супраць фальсіфікацый вынікаў прэзідэнцкіх выбараў.
Палітвязень, які галадае ў выпраўленчай калоніі, патрабуе разгледзець сітуацыю з парушэннем правоў чалавека ў Беларусі ў Радзе Бяспекі ААН.
