Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Джынс – за свабоду Беларусі (Фота) 17:29, 17/11/2006
Актывісты грамадзянскай кампаніі "За свабоду!" распаўсюдзілі напярэдадні Дня салідарнасці 16 лістапада дзесяткі тысяч налепак. Маляўнічыя міні-плакаты "Джынс за свабоду!" людзі пабачылі ў больш за 20 гарадах Беларусі: Менску, Барысаве, Дзяржынску, Стоўпцах, Валожыне, Плешчыніцы, Лагойску, Мядзеле, Маладзечне, Вілейцы, Докшыцах, Бягомлі, Асіповічах, Паставах, Глыбокім, Полацку, Наваполацку, Ашмянах, Наваградку, Іўе, Лідзе, Смаргоні, Міры, Карэлічах, Баранавічах і інш.
Джынс стаў у Беларусі сымбалам барацьбы за свабоду, пасля таго, як 16 верасня 2005 года, у гадавіну знікнення віцэ-спікера Вярхоўнага Савета 13 склікання Віктара Ганчара і бізнэсмэна, грамадскага дзеяча Анатоля Красоўскага, міліцыя разагнала акцыю ў памяць зніклых і адняла ў яе ўдзельнікаў партрэты зніклых палітыкаў (людзі трымалі ў руках таксама партрэты выкрадзеных у Беларусі экс-міністра ўнутраных спраў Юрыя Захаранкі і журналіста Зміцера Завадскага) і нацыянальныя сцягі. У той дзень моладзевы лідэр Мікіта Сасим падняў над галавой сваю джынсавую кашулю як сымбал супраціву дыктатуры.
