Дочкі Аляксандра Казуліна пачынаюць галадоўку салідарнасці з бацькам :: Хартыя'97 :: Навiны

Заўтра Надзею Батуру, якая праводзіць у офісе Беларускай сацыял-дэмакратычнай партыі (Грамада) галадоўку салідарнасці з Аляксандрам Казуліным, змяняе малодшая дачка палітыка Юлія. Юрыста Алега Воўчака – Вольга Казуліна – старэйшая дачка экс-кандыдата ў прэзідэнты. Аб гэтым БелаПАН паведаміў адказны за правядзенне эстафетнай галадоўкі ў Менску Алесь Стральцоў. Сам ён таксама працягвае галадоўку, разам з гэтым актыўна займаецца зборам подпісаў за партыйных кандыдатаў у мясцовыя Саветы.

Па словах А.Стральцова, у офісе партыі абсталявана адмысловае памяшканне для галадаючых. Тым не менш месца правядзення галадоўкі вызначаюць самі ўдзельнікі акцыі.

Эстафетная галадоўка ў падтрымку А.Казуліна была абвешчаная 30 кастрычніка ў Берасці, праходзіць таксама ў Гародні, Варшаве і некаторых іншых гарадах. Акцыю "Галадоўка салідарнасці з Аляксандрам Казуліным" пачала старшыня Берасцейскай гарадской арганізацыі БСДП (Грамада) Ганна Канюс, якая галадала да 3 лістапада. Мэта акцыі – прыцягнуць увагу шырокай беларускай і міжнароднай грамадскасці да лёсу экс-кандыдата ў прэзідэнты А.Казуліна, асуджанага на пяць гадоў і шэсць месяцаў зняволення, які абвясціў бестэрміновую палітычную галадоўкку 20 кастрычніка.

Аляксандр Казулін патрабуе разглядзець сітуацыю з парушэннем правоў чалавека ў Беларусі ў Радзе Бяспекі ААН.