Амбасадары краін ЕЗ наведаюць мемарыяльны комплекс «Яма» :: Хартыя'97 :: Навiны

У мінулыя выходныя ў Менску быў апаганены помнік ахвярам Халакоста "Яма". Амбасадары краін-сяброў ЕЗ, прадстаўленых у Менску, наведаюць мемарыял у панядзелак, 20 лістапада, разам са старшынёй Саюза беларускіх габрэйскіх грамадскіх арганізацый і суполак Леанідам Левіным, каб выказаць салідарнасць з беларускімі гарамадзянамі габрэйскай нацыянальнасці.

Часовы павераны ў справах Нямеччыны ў Рэспубліцы Беларусь Фрыд Нільзен заяўляе, што ён і ягоныя калегі ўсхваляваныя і глыбока абураныя апаганеннем мемарыяла. Гэты акт вандалізму таксама выклікаў абурэнне ў шматлікіх людзей у Нямеччыне і іншых краінах Еўропы і свету. Фрыд Нільзен спадзяецца, што кампетэнтныя беларускія ведамствы правядуць падрабязнае крымінальнае расследаванне таго, што здарылася. Часовы павераны ў справах адзначыў, што і ў Нямеччыне, нажаль, час ад часу здзяйсняюць акты вандалізму на могілках і мемарыялах, у тым ліку ў месцах памяці ахвяр Халакоста.

Адпаведныя нямецкія ведамствы прадпрымаюць пры гэтым усе меры для пошуку і пакарання вінаватых і прадухілення падобных з`яў.