Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
33-ці дзень галадоўкі: Аляксандр Казулін важыць 73 кілаграмы 13:24, 21/11/2006
Інфармацыі пра галадаючага ў віцебскай калоніі экс-кандыдата ў прэзідэнты Беларусі Аляксандра Казуліна з кожным днём усё менш. Як паведаміў сёння жонцы палітвязня, Ірыне Казулінай, выканаўца абавязкаў начальніка калоніі Руслан Прыймак, стан зняволенага “здавальняючы”. Па яго словах, экс-кандыдат у прэзідэнты важыць 73 кг, ціск 90/60.
Аднак, вядома, што напярэдадні галадоўкі Аляксандр Казулін важыў 91 кілаграм. Падчас галадоўкі экс-кандыдат страціў 18 кілаграмаў.
Палітвязню па-ранейшаму забаронена сустракацца з адвакатам і сваякамі.
Аляксандр Казулін галадае з 20 кастрычніка ў знак пратэсту супраць “існуючага ў краіне беззаконня” і з патрабаваннем разглядзець сітуацыю ў Беларусі ў Радзе Бяспекі ААН.
