Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сябру Партыі БНФ не даверылі кіраваць аўтобусам 16:55, 21/11/2006
Дырэкцыя Аўтобуснага парку №1 Гомеля не падоўжыла працоўны кантракт кіраўніку суполкі Беларускага незалежнага прафсаюзу кіраўнікоў радыёэлектроннай прамысловасьці, сябру Партыі БНФ Андрэю Баранаву. Намесьнік дырэктара аўтарку ў справах ідэалёгіі і працы з кадрамі Ігар Ігнаценка заявіў, што паколькі А.Баранаў зьяўляецца сябрам незалежнага прафсаюзу, ён ня можа працаваць на прадпрыемстве.
Андрэй Баранаў аспрэчвае скасаваньне кантракту ў Гомельскай вабласной управе Дэпартамэнту дзяржаўнай інспэкцыі працы, паведамляе “Радыё Свабода”.
А.Баранаў разам зь іншымі кіроўцамі неаднаразова дамагаўся падвышэньня заробкаў.
Раней з Аўтапарку №1 былі звольненыя сябры незалежнага прафсаюзу Аляксандар Яўсейчук і Сяргей Шведаў.
Пазоў у справе аднаўленьня на працы Сяргея Шведава знаходзіцца на разглядзе ў судзе Савецкага раёну Гомеля.
