Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Станіслава Пачобута даставілі з турмы ў шпіталь 14:53, 21/11/2006
Актывіст Саюза палякаў Беларусі Станіслаў Пачобут два дні знаходзіцца ў шпіталі, куды яго даставілі з ізалятара часовага ўтрыманьня Кастрычніцкага райадзьдзелу міліцыі на абсьледаваньне, паведамляе “Радыё Свабода”. “У Станіслава на трэці дзень павысіўся ціск, яго даставілі ў шпіталь па ініцыятыве саміх міліцыянтаў. Думаю, што міліцыя пасля галадоўкі Казуліна баіцца галадовак, у тым ліку і ў ізалятарах”, -- паведаміў прэс-цэнтру Хартыі’97 брат зняволенага Анджэй Пачобут.
Станіслава Пачобута затрымалі 16 лістапада перад акцыяй салідарнасьці, а наступнага дня судзьдзя Дзьмітры Мацяюк у Ленінскім райсудзе Горадні арыштаваў яго нібыта за “дробнае хуліганства”. Сведкамі на судзе былі выключна міліцыянты.
У судовай залі спадар Пачобут абвясьціў галадоўку, але праз двое сутак мусіў спыніць яе — бо яго даставілі ў шпіталь. Аднак міліцыянты сказалі, што пасьля выпіскі яму давядзецца вярнуцца за краты на двое сутак, бо пад арыштам ён прабыў тры дні зь пяці.
