Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Эксперты ААН разгледзяць праблемы знікнення людзей у шэрагу краінаў 15:11, 21/11/2006
Каля 600 скаргаў аб знікненні людзей з 29 краінаў свету разгледзіць працоўная група, якая пачала дзейнічаць пры Еўрапейскім аддзяленні ААН у Жэневе. Падчас сесіі сябры групы маюць намер сустрэцца з прадстаўнікамі няўрадавых арганізацый, сваякамі зніклых людзей і прадстаўнікамі ўрадаў.
Па дадзеных Сусветнай арганізацыі, штогод у свеце выкрадаюць больш за дзесяць тысяч людзей.
У Беларусі ў 1999-2000 гадах зніклі лідэры апазіцыі Юрый Захаранка, Віктар Ганчар і Анатоль Кпасоўскі, а таксама журналіст Зміцер Завадскі. У выкраданні і забойствах апазіцыянераў і журналіста міжнародная супольнасць падазрае вышэйшае кіраўніцтва краіны.
Працоўная група па гвалтоўных і недобраахвотных знікненнях людзей была заснаваная ў 1980 годзе камісіяй ААН па правах чалавека.
Эксперты, якія ўваходзяць у склад групы, разглядаюць паведамленні аб зніклых людзях, дасланыя іх сваякамі або праваабарончымі арганізацыямі. Калі гэтыя паведамленні адказваюць шэрагу крытэраў, працоўная група перадае матэрыялы аб пэўных выпадках дзяржаўным органам адпаведных краінаў і звяртаецца з запытам аб правядзенні расследавання.
