Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вандалы апаганілі будынак пратэстанцкай царквы ў Баранавічах 11:57, 21/11/2006
Сёння ноччу здзейснаны акт вандалізма адносна царквы "Збаўленне" (Саюз Хрысціян Веры Евангельскай) ў Баранавічах. Невядомыя чорнай фарбай напісалі "Не верь сектам", закіралі камянямі і пустымі пляшакамі ад піва шыльду памерам 5 на 2,5 м на скрыжаванні вуліц Тэльмана і Першукевіча. На шыльдзе было напісана вялікімі літарамі "Царква Збаўленне", адрас і тэлефон рэлігійнай грамады.
"Я усё гэта ўбачыў сёння раніцай, калі ішоў на працу, - гаворыць Юры Ступакоў, адміністратар царквы "Збаўленне". - Побач ляжаць пустыя пляшкі з-пад піва, камяні, якімі, відаць, кідалі ў шыльду. Магчыма, гэта былі п`яныя падлеткі, але ж якая матэвацыя такіх дзеянняў? Прычына, на мой погляд, у тым, што нас называюць "сектамі" у газэтах і па тэлебачанню. Нехта спецыяльна напружвае сітуацыю." Кіраўніцтва царквы "Збаўленне" звярнулася ў міліцыю.
Нагадаем, што падобны выпадак некалькі тыдняў таму адбыўся ў Мінску. Будынак пратэстанцкай царквы "Новае Жыццё" быў абліты чорнай фарбай, на сцяне невыдомыя пакінулі надпіс "Нет тоталитарным сектам".
