Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
22 лістапада Украіна святкуе другую гадавіну “памаранчовай” рэвалюцыіі, у выніку якой Прэзідэнтам стаў Віктар Юшчанка. Праз год Прэзідэнт падпісаў указ аб святкаванні 22 лістапада Дня Свабоды.
21 лістапада 2004 года ва Украіне адбыўся другі тур прэзідэнцкіх выбараў, па выніках якога ЦВК абвясціў пераможцай кандыдата ў Прэзідэнты Віктара Януковіча. У той жа час прыхільнікі другога кандыдата – Віктара Юшчанкі паведамілі пра шматлікія парушэнні выбарчага заканадаўства і па ўсёй краіне пачалі акцыі ў яго падтрымку.
Самая вялікая акцыя пачалася 22 лістапада ў Кіеве на Майдане Незалежнасці, якая дала старт “памаранчовай” рэвалюцыі. У масавых акцыях, якія працягваліся больш за два тыдні, удзельнічалі сотні тысяч чалавек.
3 снежня Вярхоўны Суд Украіны прызнаў несапраўднымі вынікі другога тура прэзідэнцкіх выбараў 21 лістапада. Суд скасаваў пастанову ЦВК, якой абраным Прэзідэнтам быў абвешчаны Віктар Януковіч. Суд таксама прызнаў дзеянні ЦВК па ўсталяванні вынікаў паўторнага галасавання неправамернымі.
Пасля рашэння суда ЦВК пастанавіў правесці паўторнае галасаванне другога тура прэзідэнцкіх выбараў 26 снежня, у выніку якога перамог Юшчанка. Яго інаўгурацыя адбылася 23 студзеня 2005 года.
