Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусам прапануюць ідэалогію, якая павядзе іх у бой? 14:53, 23/11/2006
Аляксандр Лукашэнка выступае за пошук нацыянальнай ідэі, здольнай падняць масы. Аб гэтым ён заявіў падчас прэс-канферэнцыі для прадстаўнікоў украінскіх СМІ ў Менску. Ён нагадаў, што ў часы Савецкага Саюза “нацыянальная ідэя была, мы будавалі камунізм. І мы свята ў гэта верылі”. Сёння ж, па словах кіраўніка дзяржавы, ён не можа “пахваліцца тым, што ў Беларусі ёсць падобная нацыянальная ідэя, якая ахапіла б усю нацыю”. А.Лукашэнка заявіў, што “мы яшчэ не намацалі такую ідэю, якая павяла б у бой людзей. Вось калі яна з`явіцца, тады і запрацуе маштабная ідэалагічная машына”.
У цяперашні час, удакладніў ён, у Беларусі ідэалагічным выхаваннем насельніцтва займаюцца намеснікі кіраўнікоў прадпрыемстваў і арганізацый, якія таксама займаюцца кадравымі пытаннямі. “Але гэта не значыць, што мы ўзнаўляем грувасткую сістэму прамывання мазгоў. У адміністрацыі прэзідэнта ва ўпраўленні, якое займаецца пытаннямі ідэалогіі на дзяржаўным узроўні, працуюць усяго 13 чалавек акрамя кіраўніка. Мы жадаем, каб пытаннямі выхавання людзей хто-небудзь займаўся”, – сказаў А.Лукашэнка. Разам з гэтым ён дадаў, што “таленавітых ідэолагаў у краіне можна па пальцах пералічыць”.
