Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ва Упраўленні КДБ дапытваюць актывістку Саюза палякаў 12:20, 23/11/2006
Актывістка Cаюза палякаў Беларусі Тэрэса Сілівончык была сёння выкліканая на допыт ва Упраўленне КДБ па Гароднескай вобласці. Актывістка СПБ дапытваецца ў якасці сведкі па крымінальнай справе, узбуджанай па факце кантрабанды наркотыкаў. Допыт вядзе следчы па адмыслова важных справах Віктар Ражко. Аб гэтым прэс-цэнтру Хартыі’97 паведаміў актывіст СПБ Анджэй Пачобут.
Нагадаем, што Тэрэса Сілівончык знаходзілася ў адным аўтамабілі са старшынёй Саюза палякаў Беларусі Анжалікай Борыс, калі яна была затрыманая на мяжы з Літвой 29 кастрычніка. Затрыманне адбывалася на падставе таго, што ў аўтамабілі быў знойдзены пакет з невядомым парашком. Гародненская рэгіянальная мытня узбудзіла крымінальную справу па факце кантрабанды наркотыкаў. Па паведамленні Дзяржаўнага мытнага камітэта (ДМК) Беларусі, “невядомым парашком” аказаўся гераін.
Нагадаем, што Борыс назвала тое, што адбываецца “правакацыяй беларускіх праваахоўных органаў” і заявіла, што не мае да пакуначка з парашком ніякага дачынення.
