Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліція адмовілася завесці крымінальную справу на фашыстаў 11:25, 23/11/2006
Упраўленьне ўнутраных справаў Партызанскага раёну Менску адмовілася завесьці крымінальную справу з факту апаганьваньня будынку Ізраільскага культурна-інфармацыйнага цэнтру пры пасольстве Ізраілю ў Беларусі.
Як заявіў у інтэрвію агенцтву БелаПАН начальнік аддзелу аховы правапарадку ўпраўленьня ўнутраных справаў Партызанскага раёну Аляксандр Кальцоў, рашэньне было прынятае пасьля ўзгадненьня з пракуратурай.
Паводле Кальцова, у фактах апаганьваньня будынку ізраільскага цэнтру не заўважана наўмысных дзеяньняў, скіраваных на распальваньне нацыянальнай варожасьці, на зьнявагу нацыянальнага гонару і годнасьці.
Нагадаем, акт вандалізму быў учынены ў ноч з 11 на 12 лістапада. На фасадзе сталічнага будынку, дзе разьмешчаны Ізраільскі культурна-інфармацыйны цэнтар, былі намаляваныя свастыкі і зробленыя надпісы "Бей жидов".
