Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Станіслава Пачобута вярнулі за краты 12:11, 23/11/2006
Супрацоўнікі міліцыі забралі сёння актывіста Саюза палякаў Беларусі Станіслава Пачобута са шпіталю і адвезлі ў спецпрыёмнік-размеркавальнік Кастрычніцкага РАУС Гародні – адбываць да канца арышт, да якога ён быў прысуджаны 17 лістапада. Аб гэтым прэс-цэнтру Хартыі’97 паведаміў брат актывіста Анджэй Пачобут. Станіслаў Пачобут гатовы працягнуць галадоўку пратэсту.
Станіслаў Пачобут чатыры дні знаходзіўся ў шпіталі, куды яго даставілі са спецпрыёмніка Кастрычніцкага райаддзела міліцыі на абследванне. У спецпрыёмніку актывіст абвясціў галадоўку пратэсту супраць несправядлівага пераследу.
Актывіста СПБ затрымалі 16 лістапада напярэдадні акцыі салідарнасці, а наступным днём суддзя Зміцер Мацяюк у Ленінскім райсудзе Гародні арыштаваў яго нібы за “дробнае хуліганцтва”. Сведкамі на судзе былі выключна міліцыянты.
