Беларускія службоўцы: «Нам трэба вучыцца жыць у розных умовах» :: Хартыя'97 :: Навiны

Беларусь і Расея дасягнуць дамоўленасцяў па газе і нафце, заявіў журналістам віцэ-прэм’ер урада Беларусі Іван Бамбіза. Разам з гэтым ён упэўнены, што Расея не будзе абмяжоўваць пастаўкі энергарэсурсаў у Беларусь. “Абмяжоўваць пастаўкі эканамічна невыгодна расейскаму боку”, – лічыць віцэ-прэм`ер. Каментуючы магчымае падвышэнне цаны на газ, І.Бамбіза адзначыў: “Нам трэба вучыцца жыць у розных умовах”.

Ён адзначыў, што “цана на энерганосьбіты аказвае вялікі ўплыў на эканоміку”. У прыватнасці віцэ-прэм`ер прывёў у прыклад ААТ “Гародня Азот”, для якога газ з`яўляецца асноўнай сыравінай. “Для гэтага прадпрыемства цана, зразумела, адаб`ецца, і яна пяройдзе на іншыя тавары”, – працягнуў І.Бамбіза.

Разам з тым ён яшчэ раз выказаў упэўненасць у тым, што “дамоўленасць з Расеяй будзе дасягнутая, абвастрэнне не трэба ні Газпрому, ні Беларусі”. Пры гэтым І.Бамбіза заявіў, што наяўная цана паставак газу ў Беларусь выгодная Газпрому, перадае “Інтэрфакс”.