Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Барадзін: Беларусь і Расея хутка ўвядуць адзіную валюту 15:16, 24/11/2006
Дзяржсакратар “саюзнай дзяржавы” Расеі і Беларусі Павел Барадзін паведаміў, што праект Канстытуцыйнага акту і пытанне аб увядзенні адзінага аплатнага сродку Вышэйшы Дзяржсавет разгледзіць у снежні, паведамляе РІА Новости.
“Спадзяюся, што на паседжанні Вышэйшага Дзяржсавета ў снежні будуць разгледжаныя пытанні аб увядзенні адзінага аплатнага сродку і праект Канстытуцыйнага акту”, – сказаў Барадзін сёння падчас круглага стала “Гандлёва-эканамічнае супрацоўніцтва Рэспублікі Беларусь і Расейскай Федэрацыі”.
Барадзін шкадуе аб вялікай колькасці праблемаў пры будаўніцтве “саюзнай дзяржавы”. “Асноўнай праблемай з`яўляецца нарматыўна-прававая база Расеі і Беларусі, аб гэтым гаворыць эканоміка”, – сказаў дзяржсакратар. У прыватнасці, па яго словах, сёння ў Еўропу праз Беларусь ідзе 90% тавараў. “Тут нам патрэбна нарматыўна-прававая база, паколькі ў нас існуе паўтары тысячы адрозненняў у мытных пошлінах”, – адзначыў ён.
