Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ля беларускай амбасады ў Вашынгтоне зноў будуць пратэставаць 10:48, 24/11/2006
30 лістапада амбасада Беларусі ў Вашынгтоне наладжвае чарговы ўрачысты прыём. Напярэдадні мерапрыемства насупраць беларускай амбасады пачнецца акцыя пратэсту, мэта якой – данесці да гасцей прыёму інфармацыю аб праўдзівым становішчы з правамі чалавека ў Беларусі.
Прыём пачнецца вітальным словам амбасадара Беларусі ў ЗША Міхаіла Хвостава, пасля чаго гасцям будуць прапанаваныя стравы нацыянальнай беларускай кухні. “У то час як супрацоўнікі амбасады будуць карміць сваіх гасцей хлебам хлусні, мы будзем голасна заяўляць аб праве беларусаў на свабоду, праўду і справядлівасць!” – гаворыцца ў адмысловай заяве, распаўсюджанай ініцыятарам акцыі пратэсту грамадзянскай ініцыятывай “Погляд”.
“Погляд” заклікае ўсіх тых, хто верыць у свабодную Беларусь, прыйсці ў чацвер 30 лістапада да амбасады Беларусі ў любы час з 18:00 да 21:00 і далучыцца да акцыі. Рэкамендаваная форма вопраткі — джынсы.
Акцыя будзе праходзіць па адрасе 1619 New Hampshire Ave NW, (Near 18th & New Hampshire), Washington, DC.
