Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы не жадаюць паміраць за Расею 16:37, 27/11/2006
Сацыёлагі Незалежнага інстытута сацыяльна-эканамічных і палітычных даследаванняў папрасілі беларусаў вызначыць сваё дачыненне да неадназначнага выказвання Аляксандра Лукашэнкі, звязанага з расейска-беларускімі “саюзніцкімі” адносінамі. Так, падчас нядаўней прэс-канферэнцыі для расейскіх журналістаў Лукашэнка заявіў: “Калі танкі пайдуць адтуль (з Захаду) на Расею, мы будзем паміраць за Расею. І наш народ павінен быць да гэтага гатовы”. Сацыёлагі высвятлілі, што больш паловы (51,4%) не згодныя з гэтымі словамі Лукашэнкі, падтрымалі такі пафас Лукашэнкі толькі 25,9% рэспандэнтаў і 10,8% сказалі, што ім гэта абыякава.