Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Увечар 27 лістапада ў Менск пачнуць прыбываць удзельнікі заўтрашняга саміту кіраўнікоў дзяржаў СНД. Па паведамленні прэс-службы Міністэрства замежных спраў, у 17 гадзін чакаецца прыбыццё прэзідэнта Азербайджана Ільхама Аліева і прэзідэнта Таджыкістана Эмамалі Рахмонава.
Прэзідэнт Кыргізстана Курманбек Бакіеў, нагадаем, прыбыў у Менск сёння раніцай з афіцыйным візітам. Акрамя ўдзелу ў саміце, ён правядзе перамовы з Аляксандрам Лукашэнкам, па выніках якіх чакаецца падпісанне шэрагу двухбаковых пагадненняў.
Па паведамленні БелаПАН, 28 лістапада ўдзельнікі саміта будуць прыбываць у Менск у наступным парадку:
8.00 – намеснік старшыні Кабінета міністраў Туркменістана Гурбангулы Бердымухамедаў;
8.25 – прэзідэнт Грузіі Міхаіл Саакашвілі;
9.45 – прэзідэнт Узбекістана Іслам Карымаў;
9.55 – прэзідэнт Украіны Віктар Юшчанка;
10.00 – прэзідэнт Малдовы Уладзімір Варонін;
10.15 – прэзідэнт Арменіі Роберт Качаран;
11.00 – прэзідэнт Казахстана Нурсултан Назарбаеў;
11.05 – прэзідэнт Расеі Уладзімір Пуцін.
Прэс-служба МЗС адзначае, што ў праграме прыбыцця магчымыя змены.
