Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
КДБ пакінуў без каментараў арышт беларускага шпіёна ў Літве 11:27, 27/11/2006
У Камітэце дзяржаўнай бяспекі Беларусі пакуль ніяк не каментуюць затрыманне на тэрыторыі Літвы па падазроне ў шпіянажы беларускага грамадзяніна. Як паведаміў БелаПАН начальнік Цэнтра інфармацыі і грамадскіх сувязяў КДБ Валерый Надтачаеў, яму па гэтым факце сказаць няма чаго.
Па дадзеных замежных СМІ, у выніку сумеснай аперацыі пракуратур і спецслужбаў Літвы і Польшчы ў Вільні 25 лістапада быў затрыманы грамадзянін Беларусі, які падазраецца ў шпіёнскай дзейнасці супраць Польшчы.
“Затрыманне здзейсненае, выконваючы просьбу аб прававой дапамозе Польшчы на падставе дзеючай двухбаковай літоўска-польскай дамовы”, – паведаміў генеральны пракурор Літвы Альгімантас Валанцінас у эфіры Літоўскага нацыянальнага тэлебачання. Па яго словах, у Польшчы пачата дасудовае расследаванне справы, “бо супрацоўнікі правааховы Літвы валодаюць дадзенымі, што гэты грамадзянін Беларусі дзейнічаў супраць інтарэсаў Польшчы”.
Падкрэсліваецца, што затрыманы ўжо даволі доўга дзейнічаў супраць эканамічных і абаронных інтарэсаў Польшчы.
