Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Камісія плануе разглядзець пытанне аб вызваленні Цімафея Дранчука 09:35, 30/11/2006
Камісія, якая разглядае пытанні па умоўна-датэрміновым вызваленні асуджаных, 30 лістапада плануе разгледзець гэтае пытанне ў дачыненні палітвязня Цімафея Дранчука. З усіх асуджаных па справе актывістаў кампаніі па назіранні за выбарамі “Партнёрства” ён адзіны, хто да гэтай пары застаецца зняволеным.
Як паведаміў прэс-службе АГП яго бацька Валерый Дранчук, сын працягвае вучыцца ў ЕДУ і вывучае міжнароднае права. Ён выконвае заданні ў калоніі, перасылае родным, тыя перадрукоўваюць і адпраўляюць ва ўніверсітэт. Апошняе спатканне з Цімафеем было 14 лістапада.
“Гуляе на свежым паветры. Пачаў займацца фізкультурай. На бытавыя ўмовы не скардзіцца”, – сказаў Валерый Дранчук. Цімафею родныя дасылаюць фатаграфіі сына Платона, якога ён бачыў толькі раз – у дзень вынясення прысуду ў судзе. “Ён вельмі хоча ўбачыць сына”, – адзначыў Валерый Дранчук.
Нагадаем, што актывісты кампаніі па назіранні за выбарамі “Партнёрства” былі асуджаныя за “дзейнасць ад імя незарэгістраванай арганізацыі”. Двое назіральнікаў правялі ў ізалятары паўгода, яшчэ двое былі прысуджаныя да года і двух гадоў пазбаўлення волі.
