Падаражэе газ – падаражэе і абутак :: Хартыя'97 :: Навiны

Кошт айчыннага абутку не павялічыцца ў сувязі з падвышэннем мытных пошлін на імпарт гэтай прадукцыі, паведамілі карэспандэнту БЕЛТА у кіраўніцтве ОАТ “Обувьторг”, каментуючы пастанову Савета Міністраў №1573 ад 23 лістапада 2006 года аб усталяванні часовых ставак мытных пошлін на ўвоз тавараў. Павелічэнне цэнаў на беларускую абутковую прадукцыю можа быць абумоўленае толькі ростам сабекошту вытворчасці, звязаным з падвышэннем цэнаў на энерганосьбіты, у прыватнасці на газ.

Акрамя таго, абавязковая маркіроўка абутку кантрольнымі знакамі, якая ўводзіцца з 8 снежня цяперашняга года, таксама істотна не паўплывае на фармаванне цэнаў, паколькі кошт кожнай маркі не перавысіць Br40 і, як правіла, яна будзе ўключаная ў сабекошт тавара, падкрэслілі ў ААТ.

Па меркаванні экспертаў, у выніку падвышэння пошліны на імпарт абутку рознічная цана на яе можа ўзняцца на 35-40%. Такі рост адбудзецца разам з прапарцыйным павелічэннем падаткаў з абарачэння, оптавай і рознічнай надбаўкі.

Нагадаем, паводле дакумента пошліна пры ўвозе на мытную тэрыторыю рэспублікі (па шасці кодах ТН ВЭД) усталяваная ў памеры 30% ад мытнага кошту плюс 2 еўра на 1 пару. Такая пошліна ўсталяваная на спартовы абутак на падэшве з гумы, пластмасы, натуральнай або кампазіцыйнай скуры і з верхам з натуральнай скуры; жаночы абутак з верхам з натуральнай скуры і на падэшве з натуральнай скуры, з саюзкай з папружак або які мае адну або больш перфарацый, з даўжынёй вусцілкі 24 см або больш; абутак, што хавае шчыкалатку; абутак на падэшве з гумы, пластмасы, натуральнай або кампазіцыйнай скуры і з верхам з натуральнай скуры; абутак на падэшве з гумы або пластмасы; абутак з верхам з натуральнай або кампазіцыйнай скуры з падэшвай з іншых матэрыялаў. Дагэтуль мытная пошліна на ўвоз абутку складала 15%.

Падвышэнне пошлін на ўвоз імпартнага абутку выраблена ў мэтах абароны інтарэсаў айчынных вытворцаў ад нядобрасумленнай канкурэнцыі з боку абутковых прадпрыемстваў трэціх краін, якія пастаўляюць прадукцыю ў рэспубліку пад відам расейскай.