Мілінкевіч правядзе экскурсію ў Гародні :: Хартыя'97 :: Навiны

1 снежня лідэр аб’яднаных дэмакратычных сіл Беларусі Аляксандр Мілінкевіч правядзе экскурсію па старой Гародні. Аляксандр Мілінкевіч перакананы, што такім чынам зможа прыцягнуць увагу грамадскасці да праблемы знішчэння ўладамі старажытнай часткі горада.

Жыхары і госці Гародні будуць мець магчымасць больш даведацца пра невядомыя старонкі роднага гораду, абмеркаваць праблемы “рэканструкцыі” і паразмаўляць з цікавымі людзьмі. Пачатак экскурсіі а 14-й гадзіне, збор ля ПК тэкстыльшчыкаў.

Аляксандр Мілінкевіч працягвае ездзіць па краіне і збіраць подпісы за вылучэнне дэмакратычных кандыдатаў у дэпутаты мясцовых Саветаў. Сёння ён пераязджае на Гарадзеншчыну, дзе наведае горад Масты. У Мастах 12 патэнцыйных кандыдатаў унеслі Аляксандра Мілінкевіча ў склад ініцыятыўных груп. Лідэр аб`яднаных дэмакратычных сіл правядзе шэраг нарадаў з актывістамі рэгіёна, сустрэнецца з прадпрымальнікамі, і, традыцыйна ўжо, будзе збіраць подпісы ў адным з раёнаў горада.