Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кіраўнік МЗС Латвіі сустрэўся з Міхаілам Марынічам 11:18, 30/11/2006
29 лістапада міністр замежных спраў Латвіі Арціс Пабрыкс сустрэўся з актывістам беларускай апазіцыі, былым палітвязнем Міхаілам Марынічам.
М.Марыніч высока ацаніў дасягненні Латвіі і развіццё дэмакратыі, а таксама падзякаваў за магчымасць наведаць Рыгу ў гістарычныя дні, калі праходзіць саміт НАТА.
Мінстр замежных спраў абмеркаваў з М.Марынічам сітуацыю ў Беларусі. Беларускі апазіцыянер заклікаў Латвію працягваць падтрымку дэмакратычнага руху ў Беларусі, паведамляюць латвійскія СМІ.
Нагадаем, што М. Марыніч наведаў саміт НАТА па запрашэнні прэзідэнта Латвіі Вайры Віке-Фрэйбергі. Разам з лідэрам дэмакратычных сіл Беларусі Аляксандрам Мілінкевічам і міжнародным каардынатарам Хартыі’97 Андрэем Саннікавым ён сустрэўся з прэзідэнтам ЗША Джорджам Бушам.
