Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Паўла Севярынца не пускаюць у Віцебск 18:08, 30/11/2006
Моладзевага лідэра, палітвязня Паўла Севярынца паўтара месяцы не адпускаюць на некалькі дзён у водпуск у Віцебск. Аб гэтым прэс-цэнтру Хартыі’97 паведаміла маці палітвязня Таццяна Севярынец. Моладзевы лідэр адбывае пакаранне ў выглядзе двух гадоў абмежавання волі або так званай “хіміі” у вёсцы Сітна Полацкага раёна Віцебскай вобласці – за арганізацыю мірных акцый пратэсту супраць фальсіфікацыі вынікаў рэферэндуму і парламенцкіх выбараў увосень 2004 года. Па законе, “хімікі” маюць права штомесяц ездзіць на некалькі дзён дадому.
Па словах Таццяны Севярынец, Паўла Севярынца могуць не адпусціць у Віцебск да выбараў у мясцовыя Саветы, якія павінны адбыцца 14 студзеня 2007 года. “У сувязі з выбарамі, праз тое, што яны асабліва баяцца ў такія дні актыўных людзей, яны сапраўды могуць зрабіць Паўлу такой вось “падарунак” да дня нараджэння….”, – кажв Таццяна Севярынец.
