Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Для беларускага МЗС скандал з расейскімі журналістамі «вычарпаны» 15:33, 30/11/2006
Прэс-сакратар МЗС Беларусі Андрэй Папоў лічыць інцыдэнт з расейскімі журналістамі на саміце СНД у Менску вычарпаным. “Я не жадаў бы дакранацца дадзенай тэмы, паколькі, на мой погляд, яна ўяўляецца нам абсалютна вычарпанай, па ёй былі дадзеныя ўсе неабходныя каментары”, – заявіў ён на брыфінгу 30 лістапада, адказваючы на пытанне БелаПАН аб тым, як развіваецца сітуацыя зараз. “Мы лічым, што больш няма сэнсу вяртацца да дадзенай тэмы”, – растлумачыў прэс-сакратар пазіцыю МЗС.
Напярэдадні ў шэрагу СМІ з’явілася інфармацыя, што МЗС Расеі, магчыма, неяк адрэагуе на інцыдэнт з журналістамі з гэтай краіны, які адбыўся 28 лістапада ў Менску. Нагадаем, расейскія журналісты пакінулі саміт СНД у знак пратэсту, не дачакаўшыся выніковай прэс-канферэнцыі, пасля таго як тром іх калегам з газет “Московский комсомолец” і “Коммерсантъ” было адмоўлена ў акрэдытацыі. На сустрэчы з выканаўчым сакратаром СНД Уладзімірам Рушайлай і прэзідэнтам Казахстана Нурсултанам Назарбаевым, старшынёй Савета кіраўнікоў дзяржаў СНД, засталіся карэспандэнты двух дзяржаўных СМІ Расеі – агенцтвы ІТАР-ТАСС і ВГТРК.
