Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прапановы ЕЗ могуць быць уключаныя ў перадвыбарныя праграмы кандыдатаў у дэпутаты 13:47, 01/12/2006
Нацыянальны Камітэт Аб`яднаных дэмакратычных сіл рэкамендуе тым апазіцыйным палітыкам, хто пройдзе рэгістрацыю і стане кандыдатам у дэпутаты выкарыстаць прапановы Еўрапейскага Звяза як частку сваёй перадвыбарнай праграмы. Старшыня Нацыянальнага Камітэту АДС Анатоль Лябедзька лічыць, што прапановы Еўрапейскага Звяза датычацца не толькі перспектывы ўзаемаадносінаў гэтай арганізацыі з Беларуссю, але і рашэння цэлага шэрагу праблем у самой краіне.
“Яны гарманічна дапаўняюць праграму рэгіянальнага развіцця, якая распрацаваная экспертамі Нацыянальнай Рады. Кандыдат у дэпутаты, узброены такім пакетам дакументаў – гэта дзеяздольная адзінка. Ён гатовы ўдзельнічаць у публічнай дыскусіі з прадстаўнікамі ўлады і можа паспяхова змагацца за галасы выбаршчыкаў”, – адзначыў Анатоль Лябедзька ў інтэрв’ю прэс-службе АГП.
