Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мілінкевічу забараняюць праводзіць экскурсію ў Гародні 14:30, 01/12/2006
Лідэру дэмакратычных сіл Аляксандру Мілінкевічу мясцовая міліцыя забараняе распавядаць жыхарам Гародні гісторыю іх роднага горада. Аб гэтым прэс-цэнтру Хартыі’97 паведаміў прэс-сакратар палітыка Павал Мажэйка. Лідэр апазіцыі прыехаў у Гародню, каб сустрэцца з выбаршчыкамі і сабраць подпісы ў падтрымку дэмакратычных кандыдатаў. Адначасова ён збіраўся правесці экскурсію ў адным з самых старэйшых раёнаў Гародні, каб распавесці гараджанам пра найбольш вядомыя помнікі архітэктуры і пра тое, наколькі пагібельная для горада так званая “рэканструкцыя”, распачатая мясцовымі ўладамі.
Прыняць удзел у экскурсіі выказалі жаданне каля 30-40 чалавек. Аднак мясцовыя міліцыянеры заявілі, што экскурсіі ў горадзе могуць праводзіць толькі турыстычныя фірмы, а прыватная асоба можа праводзіць пазнавальную прагулку толькі ў кампаніі максімум 6 чалавек. Адкуль яны ўзялі такія лічбы, супрацоўнікі міліцыі не паведамілі.
Тым не менш, Мілінкевіч працягвае экскурсію. Міліцыянеры здымаюць тое, што адбываецца на відэакамеру.
