Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У працаўніка МАЗа спрабуюць забраць подпісы за дэмакратычных кандыдатаў 17:03, 01/12/2006
У актывіста апазіцыі Аляксандра Дульчыка, які працуе слесарам-рамонтнікам на Менскім аўтазаводзе, сёння спрабавалі забраць подпісы, якія ён збірае на прадпрыемстве ў падтрымку вылучэння кандыдатам у дэпутаты дэмакратычных палітыкаў. Аб гэтым прэс-цэнтру Хартыі’97 паведамілі ў камітэце дапамогі рэпрэсаваным “Салідарнасць”.
Выканаўца абавязкаў начальніка цэха Віталь Юркевіч запатрабаваў, каб працоўны аддаў подпісы і заявіў, што ў адваротным выпадку, ён паедзе з начальнікам цэха да працоўнага дадому. “Аддавай подпісы, а то зараз паедзем да цябе дадому з начальнікам цэха, забярэм подпісы, пакладзем у сейф і 5 снежня аддамо”, – сказаў Юркевіч. Нагадаем, што 5 снежня ў Беларусі пачынаецца вылучэнне кандыдатаў у дэпутаты мясцовых Саветаў.
Аляксандр Дульчык адмовіўся аддаць подпісы, і заявіў, што іх у яго ўсё роўна няма, у тым ліку і дома. Раней працоўнаму пагражалі звальненнем з працы за збор подпісаў.
