Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чаргінец пагражае ЕЗ хворымі на СНІД і тэрарыстамі 16:46, 04/12/2006
Беларусь можа паслабіць ахову межаў з Еўразвязам у выпадку адмены для краіны гандлёвых прэферэнцый, заявіў старшыня камісіі “савета рэспублікі” па міжнародных справах і нацыянальнай бяспецы Мікалай Чаргінец падчас прэс-канферэнцыі ў панядзелак у Менску.
“Еўропа хваліць нас за добрыя межы, так можа нам варта частку сродкаў канфіскаваць з памежнай бяспекі і накіраваць на пакрыццё страт ад адмены прэферэнцый”, – сказаў ён.
“На беларускіх межах па дарозе ў Еўразвяз затрымоўваюць дзесяткі і сотні хворых на СНІД, падазраваных у тэрарызме і стварэнні злачынных груп”, – адзначыў М.Чаргінец. “Еўрапейскія выбаршчыкі не скажуць дзякуй сваім парламентарыям, калі Беларусь паслабіць свае межы”, – сказаў ён.
