Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гарадзенскія ўлады не рэагуюць на галадоўку каталікоў 10:02, 04/12/2006
Удзельнікі галадоўкі – сябры рымска-каталіцкай парафіі Найсвяцейшай Панны Марыі Вострабрамскай у Гародні – адчуваюць сябе добра. Аб гэтым БелаПАН паведаміў настаяцель парафіі ксёндз Аляксандр Шэмет, які таксама з’яўляецца ўдзельнікам галадоўкі. Па яго словах, сітуацыя вакол галадоўкі не змянілася, з боку ўлад няма ніякіх дзеянняў.
Галадоўка, нагадаем, пачалася 1 снежня. Спачатку яе ўдзельнікамі былі 12 чалавек, пасля колькасць галадаючых павялічылася да 15. Гэта, у асноўным, жанчыны ва ўзросце ад 39 да 79 гадоў. Вернікі патрабуюць ад улад пісьмовага дазволу на будаўніцтва касцёла. Сваё рашэнне праводзіць галадоўку яны матывуюць тым, што на працягу амаль дзевяці гадоў парафія не можа атрымаць дазвол на ўзвядзенне храма па вуліцы Рэпіна, 2. Суполка колькасцю больш за 8 тыс. парафіянаў валодае невялікім цагляным будынкам капліцы святых Пятра і Паўла, а таксама драўлянай капліцай на 300 вернікаў, якія размешчаныя на зямельным участку плошчай 0,27 гектара. Гэтыя будынкі даўно не месцяць усіх вернікаў, якія прыходзяць на службу.
Па словах настаяцеля парафіі, удзельнікі галадоўкі “маюць намер трымацца да апошняга”.
