Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лябедзька заклікае вярнуцца на плошчу Каліноўскага 19 сакавіка 2007 года 13:40, 04/12/2006
Лідэр Аб’яднанай грамадзянскай партыі Анатоль Лябедзька па выніках фармавання ўчастковых выбарчых камісій на выбары ў мясцовыя Саветы дэпутатаў зрабіў адмысловую заяву:
– Ужо які год арганізацыяй і правядзеннем выбарчых кампаній у Беларусі займаюцца прафесійныя фальсіфікатары. Апошнія 12 гадоў выбарчыя камісіі фармуюцца з людзей, адабраных выключна па прынцыпе іх палітычнай лаяльнасці і эканамічнай залежнасці ад улады. Аб’яднаная грамадзянская партыя прапанавала ў склад участковых выбарчых камісій больш за 700 чалавек. Прайшоў сіта адбору адзін. І ён стаў наогул адзіным прадстаўніком дэмакратычных партый, уключаным у склад выбарчых камісій. Гэта і ёсць адказ рэжыму на прапановы Еўрапейскага Звяза па супрацоўніцтве.
У беларускіх умовах улада і фальсіфікацыі – гэта словы-сінонімы. Вертыкаль даклала свайму кіраўніку аб гатовасці выдаць любую лічбу, любы неабходны працэнт падтрымкі кандыдатаў ад улады. Нам далі зразумець, што лічыць галасы не будуць. Мільёнам беларускіх выбаршчыкаў у чарговы раз плюнулі ў твар. Мясцовыя Саветы зноў нафаршыруюць людзьмі без пазіцыі, без голасу, без праграмы. “Дэпутатамі”, якіх выбаршчыкам не давядзецца ўбачыць і пачуць да наступнай выбарчай кампаніі. Што рабіць, калі людзей нахабна і цынічна пазбаўляюць права выбару? Вяртацца на плошчу Каліноўскага 19 сакавіка 2007 года а 20 гадзіне і патрабаваць свабодных выбараў без фальсіфікацый! - лічыць Анатоль Лябедзька.
