Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З Мілінкевіча знялі ўсе абвінавачванні 15:54, 04/12/2006
Лідэр беларускай апазіцыі Аляксандр Мілінкевіч вызвалены з РУУС Белаазёрска (Берасцейская вобласць), усе абвінавачванні з яго знятыя. Аб гэтым паведаміў прэс-сакратар палітыка Павал Мажэйка.
Па словах Мажэйкі, Мілінкевіч у Белаазёрску збіраў подпісы для ўдзелу ў мясцовых выбарах.
“Пад’ехала міліцыя і сказала, што ў машыне Мілінкевіча трое чалавек, якія там знаходзяцца, распаўсюджваюць наркотыкі і спіртное”, – сказаў Мажэйка.
Мілінкевіч быў дастаўлены ў РУУС Белаазёрска, ягоная машына была дагледжаная, таксама былі дагледжаныя асабістыя рэчы.
“Мілінкевіча пратрымалі гадзіну і адпусцілі, бо ніякіх наркотыкаў, спіртнога знойдзена не было”, – сказаў ён.
