Севярынец атрымаў трохдзённы водпуск :: Хартыя'97 :: Навiны

Моладзевы лідэр, палітвязень Сяргей Севярынец, які адбывае пакаранне ў вёсцы Малое Сітна Полацкага раёна Віцебскай вобласці, атрымаў трохдзённы водпуск для наведвання бацькоў у Віцебску.

П.Севярынец павінен быў прыехаць у Віцебск яшчэ 29 лістапада. Аднак напярэдадні адміністрацыя выпраўленчай установы адмовіла яму ў водпуску. Супрацоўнікі ўстановы заявілі, што пакідаць спецкамендатуру яму забаронена да 10 снежня.

Аднак учора бацькам П.Севярынца паведамілі, што водпуск моладзеваму актывісту прадстаўлены на тры дні, з 4 па 6 снежня ўключна.

“З такімі перыпетыямі мы ўжо звыкліся. Магчыма, Паўла не пускалі ў сувязі з самітам СНД у Менску, можа, з мясцовымі выбарамі… Наогул яму маглі даць належны водпуск у пяць дзён”, – сказаў бацька палітвязня Кастусь Севярынец.

Нагадаем, што ў траўні мінулага года суд Цэнтральнага раёна Менска абвінаваціў Паўла Севярынца ў арганізацыі 18-19 кастрычніка 2004 года ў сталіцы масавых акцый пратэсту супраць фальсіфікацый вынікаў парламенцкіх выбараў і рэферэндума. Палітыка прысудзілі да трох гадоў абмежавання волі, але пасля ў сувязі з амністыяй гэты тэрмін быў скарочаны на год. З жніўня 2005 года Севярынец адбывае пакаранне, працуючы ў лясгасе.

30 снежня П.Севярынец адзначыць дзень нараджэнні. Яму спаўняецца 30 гадоў.