У КНДР адбыліся два магутныя выбухі :: Хартыя'97 :: Навiны

На тэрыторыі КНДР адбыліся два магутныя выбухі, прырода якіх невядомая, аб гэтым паведаміў у панядзелак старшыня Камітэта начальнікаў штабоў узброеных сіл Паўднёвай Карэі, перадае ІТАР-ТАСС. Па словах крыніцы, моцныя выбухі адбыліся каля 10 раніцы па мясцовым часе (4 гадзіны раніцы па маскоўскім) у раёне цэнтральнай часткі дэмілітарызаванай зоны, якае падзяляе на дзве часткі Карэйскую паўвыспу. Разам з тым сейсмастанцыя “Паўднёва-Сахалінск”, размешчаная ў раёне Карэйскай паўвыспы, ніякіх землятрусаў у панядзелак не рэгістравала.

“Інфармацыю аб магчымых вельмі слабых землятрусах мы зможам атрымаць толькі ўвечар, калі будзем апрацоўваць дадзеныя абсталявання, запісаныя за дзень. Але ніякіх адчувальных землятрусаў станцыя сёння наогул не рэгістравала”, – паведамілі “Інтэрфаксу” на сейсмастанцыі.

Нагадаем, што 9 кастрычніка КНДР абвясціла аб правядзенні паспяховага падземнага ядзернага выбуху. Аб гэтым паведаміла Цэнтральнае тэлеграфнае агенцтва Карэі (ЦТАК). “Нашае даследчае падраздзяленне бяспечна і паспяхова вырабіла падземнае ядзернае выпрабаванне 9 кастрычніка. Ядзернае выпрабаванне было праведзена на 100% дзякуючы нашый мудрасці і тэхналогіям”, – гаворыцца ў заяве ЦТАК. Па гэтых дадзеных, у выніку выпрабавання няма ўцечкі радыяцыі або пагрозы такой уцечкі.

Кіраўніцтва рэспублікі не выключала, што падобныя эксперыменты могуць быць праведзеныя і ў будучыні, адзін з іх, па меркаванні паўднёвакарэйскіх вайскоўцаў, быў запланаваны на 7 лістапада.

Аднак нядаўна пасля напружанага дыпламатычнага дыялогу ў КНДР заявілі, што гатовыя адмовіцца ад ядзерных выпрабаванняў, калі міжнародныя санкцыі ў дачыненні краіны будуць знятыя. Пхеньян заявіў аб тым, што згодзен вярнуцца да перамоваў, але толькі пасля таго, як Вашынгтон заявіць аб пераглядзе фінансавых санкцый па дачыненні да КНДР, якія былі ўведзеныя ў верасні 2005 года, калі амерыканскія інспектары назвалі некалькі банкаў каналамі для пазапраўнага пераводу паўночнакарэйскіх грошай, атрыманых ад фальшываманецтва і наркатрафіку.