Януковіч занепакоены адсутнасцю дэмакратыі ў Беларусі :: Хартыя'97 :: Навiны

Украіну турбуе пытанне развіцця дэмакратыі ў Беларусі, заявіў прэм’ер-міністр Украіны Віктар Януковіч. Адказваючы на пытанні пасля свайго выступу ў Цэнтры стратэгічных і міжнародных даследванняў у панядзелак у Вашынгтоне, ён адзначыў, што абмяркоўваў пытанне дэмакратыі ў Беларусі з прэм’ер-міністрам Сяргеем Сідорскім падчас паседжання кіраўнікоў урадаў краін СНД у Менску, перадае “Інтэрфакс-Украіна”.

“Беларусы самі адчуваюць неабходнасць дэмакратычных зменаў і, па маім меркаванні, яны будуць адбывацца эвалюцыйна”, – сказаў Януковіч. Ён падкрэсліў, што “беларускае грамадства здаровае”. “Я ведаю, там моцны народ і ён пераадолее праблемы, якія перад ім ёсць”, – сказаў украінскі прэм’ер.

Януковіч адзначыў, што адносіны Украіны і Беларусі будуюцца на прынцыпе ўзаемавыгоднасці, а палітыка Беларусі па дачыненні да Украіны прыязная, стабільная і добрасуседская.